पूजा चन्द अब अभिनेत्री र गीतकारका रुपमा मात्र सीमित रहिनन् रजतपतकी पुरानी अभिनेत्री म्युजिक भिडियोमा पनि मोडलिङ गर्दैछिन् । आफैले निर्माण गर्न लागेको उक्त भिडियोमा पूजाले अभिनय गर्नेछिन् ।
नेपालमा रिलिज हुन लागेको पूजाको एल्बम 'कसरी सम्झाउँ'को शीर्ष गीतलाई म्युजिक भिडियोमा रुपान्तरण गर्न लागिएको हो । जसलाई निर्देशन गर्दैछन् अपकमिङ सांगीतिक चलचित्र 'स्वर'का निर्देशक प्रसन्न पौडेलले ।
अमेरिकास्थित पूजा इन्टरनेटमेन्ट कम्पनीले निर्माण गर्ने म्युजिक भिडियो र एल्बमको विक्री, वितरण म्युजिक नेपालले गर्नेछ । पूजाको अपोजिट मोडल भने तय भैसकेका छन् । जसमा एक नयाँ अनुहारकी मोडललाई पनि देख्न पाइनेछ । लामो समयपछि अमेरिकाबाट नेपाल फर्किएकी पूजा काठमाण्डूमै एल्बम रिलिज र म्युजिक भिडियो बनाउन चाहन्थिन् । म्युजिक भिडियोका रुपमा उनले उक्त एल्बममा सपनाश्रीले गाएको थिमसङलाई रोजिन् । जुन गीतमा संगीत दिएका छन् अनिल शाहीले ।
केही समयमा अमेरिका फर्कने तयारीमा रहेकी पूजा तत्कालै चलचित्र खेल्ने मुडमा भने छैनन् । काठमाण्डू आएदेखि उनी माइती र आफन्तको भेटघाटमै व्यस्त छिन् । पूजाजी रजतपटमा कमब्याक गर्ने कि अब म्युजिक भिडियोमै रमाइरहने ?
0 comments:
Post a Comment